ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងអង្គសិក្ខាសាលាស្តីពី យន្តការផ្តល់ផល ប្រយោជន៍ដល់មន្ត្រី បទពិសោធន៍ និងបញ្ហាប្រឈមក្នុងការ អភិវឌ្ឍសមត្ថភាពមន្ត្រីសភា
នារសៀលថ្ងៃពុធ ១១កេីត ខែស្រាពណ៍ ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី២២ ខែសីហា ឆ្នាំ២០១៨ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងអង្គសិក្ខាសាលាស្តីពី យន្តការផ្តល់ផល ប្រយោជន៍ដល់មន្ត្រី បទពិសោធន៍ និងបញ្ហាប្រឈមក្នុងការ អភិវឌ្ឍសមត្ថភាពមន្ត្រីសភា (នៅរដ្ឋសភាញូវហ្សែលែន) ដោយមានការចូលរួមពីថ្នាក់ដឹកនាំ មន្ត្រីរាជការ នៃអគ្គលេខាធិការដ្ឋានព្រឹទ្ធសភា រដ្ឋសភា និងបុគ្គលិកនៃវិទ្យាស្ថានសភាកម្ពុជា(PIC) នៅសាលសិក្ខាសាលាបណ្ណាល័យព្រឹទ្ធសភា។
សិក្ខាសាលានេះ សហការរៀបចំដោយអគ្គលេខាធិការដ្ឋានព្រឹទ្ធសភា និងវិទ្យាស្ថានសភាកម្ពុជា (PIC) ដោយមានការធ្វើបទបង្ហាញពីឯកឧត្តម David Martin Wilson អគ្គលេខាធិការរដ្ឋសភា ញូវហ្សែលែន។
